Duqa magaalada Garowe Axmed Siciid Muuse (Axmed Barre) iyo guddiga dhulka danta guud ee golaha deegaanka Garowe, ayaa maanta kormeeray shaqo ballaaran oo dowladda hoose ay ka wado aagga bari ee magaalada
HALKAAN HOOSE KA DAAWO
Xoghayaha dowladda hoose Garowe Maxamuud Cali Guray iyo xafiiska howlaha guud ee degmada Garowe ayaa weli aagga bari ee magaalada Garowe ka wada howlgallo wado bixin ah iyo furida biyo xireenada.
HALKAAN HOOSE KA DAAWO.
Dowladda hoose ee Garowe, iyadoo fulinaysa go’aamadii kasoo baxay shirkii golaha deegaanka ee bishii december waxay qaaday tallaabooyin lagu burburinayo dhismayaal sharci darro ah oo laga dhistay hareeraha laamiga koonfureed ee magaalada.
Xoghayaha dowladda hoose, Maxamuud Cali Guray ayaa sheegay in la burburiyay dhismayaal laga sameystay baakinada laamiga, arrintaas oo horey loo mamnuucay ciddii dhisatayna aysan mar dambe hanti iska galin.
HALKAAN HOOE KA DAAWO.
Duqa caasimadda Garowe mudane Axmed Siciid Muuse (Axmed Barre) iyo guddoomiyaha gobolka Nugaal, mudane Cawil Axmed Jabuuti, ayaa kulan la qaatay ganacsatada tafaariiqleyda ee suuqa Inji, iyagoo ka dhegaystay cabashadooda ku aadan diidmada lacagta shilin Soomaaliga.
Duqa iyo guddoomiyaha ayaa u sheegay ganacsatada in ay socodsiiyaan lacagta shilin Soomaaliga, iyagoo u caddeeyay in dowladdu bilowday taabo galinta go’aamadii xal u helida lacagta shilin Sooomaaliga.
Masuuliyiinta waxay ballanqaadeen wax kaste oo dhinaca dowladda ka xayiran in maamulka degmada iyo gobolku xal ka gaaridoonaan, balse loo baahan yahay in ganacsatada Garowe hormuud u noqdaan fulinta dhankooda waxa kaga aadan go’aamadii soo baxay.
HALKANA HOOSE KA DAAWO KULANKA.
Dowladda hoose ee Garowe oo sannadkan dardar horleh kusoo bilowday hagaajinta iyo fidinta waddooyinka caasimadda ayaa sidoo kale furtay kanaalo biyuhu maraan, kuwaas oo gacan ka geysanaya in biyaha magaalada gudaheeda ku ururi jiray loo helay meel ay maraan.
Dowladda hoose waxay kaloo mamnuucday in la dego dhulka biyo mareenka, iyadoo la fulinayo amarkii kasoo baxay shirkii golaha deegaanka Garowe ee bishii december dhammaadkeedii goluhu yeesheen.
Halkaan hoose ka daawo shaqada dowladda hoose ka qabatay.
Dowladda hoose ee degmada Garowe ayaa soo saartay xisaab xirka maaliyaddeed ee sannadkii tagay ee 2020, kadib markii dhawaan uu golaha degaanku meel mariyay.
Kalfadhigii golaha deegaanka degmada Garowe ayaa maanta lasoo gabagabeeyay, iyadoo lagasoo saaray go’aamo muhiim ah oo lagu horumarimayo caasimadda Puntland ee Garowe.
Golaha deegaanka Garowe waxay meel mariyeen 21 mashruuc oo sanadka soo socda laga fulindoono magaalada Garowe, waxay sidoo kale ansixiyeen miisaaniyadda degmadu ku shaqeyndoonto sanadka 2021.
Halkaan ka daawo muuqaalka xiritaanka kalfadhiga.
Guddoomiyaha golaha deegaanka ahna duqa caasimadda Puntland ee Garowe, Axmed Siciid Muuse (Axmed Barre) oo uu wehliyo wasiirka maaliyadda dowladda Puntland iyo mausuliyiin kale ayaa maanta kulan la qaatay qeybaha kala duwan ee bulshada gobolka Nugaal.
Kulankaan oo ka dhacay xafiiska gobolka Nugaal ayaa lagaga arrinsanayay mudaharaadkii fowdada xambaarsanaa ee maalmo ka hor dhacay magaalada Garowe, kaasoo waxyeelo loogu geystay laamiyadda iyo goobaha danta guud ee caasimadda.
Duqa magaalada Garowe, Axmed Barre ayaa sheegay amniga magaalada iyo hantida ummada ka dhaxaysa ilaalinteeda ay muqadas tahay islamarkaana aan loo burbur karin cabasho kaste oo la qabo darteed.
“Amniga Garowe yaala, u malayn maayo inuu yaalo Soomaaliya inteeda kale ama waa yar yahay. Amni meel aan lahayn horumarka kama dhaco lagumana noollaan karo, ummadaha Garowe noogu yimid waxay soo raaceen amniga aan haysano. Haddii burburino waa nala kusoo dhex dhuumanayaa,” ayuu yiri duqa magaalada Garowe.
Duqu wuxuu sheegay in madaxweynaha dowladda Puntland uu go’aan dowladdeed ka kasoo saaray cabashada shilin Soomaaliga iyo socodsiintiisa, loogana dambeeyo xukuumada.
Halkaan ka daawo farriinta guddoomiyaha.