Kalfadhigii golaha deegaanka degmada Garowe ayaa maanta lasoo gabagabeeyay, iyadoo lagasoo saaray go’aamo muhiim ah oo lagu horumarimayo caasimadda Puntland ee Garowe.
Golaha deegaanka Garowe waxay meel mariyeen 21 mashruuc oo sanadka soo socda laga fulindoono magaalada Garowe, waxay sidoo kale ansixiyeen miisaaniyadda degmadu ku shaqeyndoonto sanadka 2021.
Halkaan ka daawo muuqaalka xiritaanka kalfadhiga.
Guddoomiyaha golaha deegaanka ahna duqa caasimadda Puntland ee Garowe, Axmed Siciid Muuse (Axmed Barre) oo uu wehliyo wasiirka maaliyadda dowladda Puntland iyo mausuliyiin kale ayaa maanta kulan la qaatay qeybaha kala duwan ee bulshada gobolka Nugaal.
Kulankaan oo ka dhacay xafiiska gobolka Nugaal ayaa lagaga arrinsanayay mudaharaadkii fowdada xambaarsanaa ee maalmo ka hor dhacay magaalada Garowe, kaasoo waxyeelo loogu geystay laamiyadda iyo goobaha danta guud ee caasimadda.
Duqa magaalada Garowe, Axmed Barre ayaa sheegay amniga magaalada iyo hantida ummada ka dhaxaysa ilaalinteeda ay muqadas tahay islamarkaana aan loo burbur karin cabasho kaste oo la qabo darteed.
“Amniga Garowe yaala, u malayn maayo inuu yaalo Soomaaliya inteeda kale ama waa yar yahay. Amni meel aan lahayn horumarka kama dhaco lagumana noollaan karo, ummadaha Garowe noogu yimid waxay soo raaceen amniga aan haysano. Haddii burburino waa nala kusoo dhex dhuumanayaa,” ayuu yiri duqa magaalada Garowe.
Duqu wuxuu sheegay in madaxweynaha dowladda Puntland uu go’aan dowladdeed ka kasoo saaray cabashada shilin Soomaaliga iyo socodsiintiisa, loogana dambeeyo xukuumada.
Halkaan ka daawo farriinta guddoomiyaha.
Duqa caasimadda Puntland ee Garowe, Axmed Muuse Siciid (Axmed Barre), ayaa u mahad celiyay shacabkii maanta dareenkooda ku muujiyay sida nabad gelyada ah, kuwaas oo ka cabanayay diidmada lacagta shilinka Soomaaliga iyo sicirka bararka dollarka.
Duqa Garowe ayaa soo dhoweeyay in dadweynuhu dareenkooda si nabad galyo ku jirto ku muujiyaan, wuxuuna ku booriyay in ay ilaalayaan hantida guud ee ummada ka wada dhaxaysa.
Duqu wuxuu u sheegay dadweynaha in lacagta shilin Soomaaliga ay shaqeynayso islamarkaana dowladda hoose ee Garowe ay ku qaado canshurta kuna bixiso mushaharaadka shaqaalaha degmada.
“Anagu ka degmo ahaan, waxaan shilinka Soomaaliga ku qaadanaa casnhuurta suuqyada xoolaha, kalluunka, khudaarta, firshada iyo dhammaan canshuuraha maalin laha ah oo dhan,’ ayuu yiri Duqu.
Axmed Barre, ayaa ganacsatada faray in ay qaataan lacagta shilinka Soomaaliga, isagoo sheegay ganacsadihii ka hor yimaada awaamiirta dowladda in laga qaadayo tallaabo waafaqsan sharciga.
Halkaan ka daawo shirka jara’id duqa Garowe.
Deegaanka Koobali oo ka Tirsan Degmadda Garoowe, ayaa waxaa Kormeer Ku tegay Masuulin ka Socata Dowladda Hoose ee Degmadda Garowe oo uu Hogaaminayo Xildhibaan Maxamuud Abshir Fandhe.
Ujeedada Socdaalkaan ayaa ah u kuurgal xaladaha bulshada gaar ahaan adeegyada bulshada, waxayna xariga ka jareen mashaariic si isku tashi ah looga hirgaliyay degaankaas, kuwaas oo ay shacbku meelgashadeen.
December 2021:- Dowladda hoose hoose ee degmada Garowe oo ka duulaysa horumarinta tuulooyinka hoos yimaada caasimadda, ayaa waxay xarumo caafimaad iyo goobo waxbarasho ka hirgalisay tuulooyinka Garyaqaan, Xamxamaa, Dood-hays iyo Caano yaskax.
Iyadoo ka duulaysa baahiyaha lagasoo aruriyay tuulooyiinka kor ku xusan, waxay dowladda hoose ee degmada Garowe tuulooyinka Xamsamaa iyo Dood-hays ka hirgalisay labo xarumood oo caafimaad (Health post), oo loogu talo galay inay adeegyo caafimaad oo bilaash ka helaan hooyada iyo dhallaanka ee tuulooyinkaas.
Dhismaha xarumahan caafimaad ayaa qeyb ka ah mashaariicda JPLG ugu jira horumarinta degmada Garowe, kuwaas oo la qorsheeyay in la fuliyo sanadkan 2021, iyadoo la doonayo in bulshada looga faaideeyo, si ay adeegyo caafimaad uga helaan.
Sidoo kale, dowladda hoose Garowe waxay tuulooyinka Garyaqaan iyo Caano yaskax ka hirgalisay dhismayaal waxbarasho oo loogu talo galay waxbarashada aas aasiga ah. Dhammaan mashaariicdan ayaa si guul ah loo fuliyay, iyadoo haatan bulshada deeganadaas ay si wacan uga faaidaysanayaan. Golaha deegaanka ee degmada Garowe ayaa ku meel mariyay mashaariic kalfadhigoodii ugu dambeeyay ee December 2021.
HALKAAN HOOSE KA DAAWO SAWIRRADA MASHAARIICDA LA FULIYAY.
