Dowladda hoose ee Garowe oo diyaarinaysa waddooyin muhiim u ah mustaqbalka dhow.
Dowladda hoose ee Garowe oo diyaarinaysa waddooyin muhiim ah oo mustaqbalka dhow jaamka iyo culayska ka dulqaadi doona waddada laamiga ah ee weyn.
Dawladda Hoose ee Garoowe waxay fulinaysaa Wejiga Labaad Mashruuc uu maalgelinayo Bangiga Adduunka.
Dawladda Hoose ee Degmada Garoowe waxay fulinaysaa Wejiga Labaad ee Mashruuca uu
maalgelinayo Bangiga Adduunku oo la yiraahdo mashruuca Adkasiga Magaallooyinka Soomaaliyeed.
Dawladda Hoose ee Degmada Garoowe waxay qorsheysay in ay mashruucyadan ku dhisto shan (5) waddo oo laami ah iyo hal (1) buundo. Waddooyinka la dhisi doono cabbirkoodu waxay dhan yihiin 7.6km. waxayna kala yihiin:
- Waddada Waaberi (aargada Saddex Xiddigood ilaa Kaam Shabeelle);
- Waddada Injida (waxay isku xiraysaa Waddooyinka Islaan Maxamed iyo Shiikh
Cabdulqaadir; - Waddada 30-ka (dhanka Koonfureed);
- Waddada Towfiiq (wadada hormarta Isbageeti);
- Waddada hormarta Dugsiga Sare ee Gambool, Jaamacadda Dawladda Puntland
(Puntland State University) iyo Cisbitaalka Garoowe; iyo - Buundo loo maro Cisbitaalka iyo Goobaha kale ee Waxbarashada.
Haddada, Riix linkiyadan hoose oo ay ku dhan yihiin macluumaadka oo idil.
Isku shaandhayn lagu sameeyay agaasimayaasha dowlad deegaanka Garowe.
Guddiga fulinta dowlad deegaanka Garowe ayaa shir ay isagu yimaadeeen oo looga arrinsanayay dardar galinta shaqada, waxay isku shaandhayn ku sameeyeen agaasimayaasha dowlad deegaanka Garowe.
Maalinta berri ah oo ay taariikhtu tahay kowda bisha lixaad ee sanadka 2021 ayay si rasmi ah agaasimayaasha isku shaandhaynta lagu sameeyay xilalkooda ula kala wareegidoonaan.
Duga magaalada Garowe iyo wafdi katirsan dowladda iyo Isimada oo kormeeray Dooxooyinkii la xirmeeyay.
Duqa caasimadda Puntland Mudane Axmed Siciid Muuse ayaa kormeer Ku tagay dooxooyinka Cada-dheero iyo Laba dulley Kuwaas oo degmadu xirmaysay iyadoo Kaashanaysa Wasaaradda Deegaanka iyo Ciidanka amniga.
Dowladda hoose ee Garowe oo dib u hagaajin ku wada waddooyinkii biyaha Roobku farriisteen.
Iyadoo dhawaan Roobabkii Guga ay biyo dhigeen qaar kamid ah waddooyinka waawayn ee xaafaddaha Garowe, ayaa dowladda hoose ee Garowe waxay bilaabay howlgal biyo saaris ah iyo dib u hagaajinta waddooyinka Roobku waxyeeleeyay.
Maanta oo khamiis ah dowladda hoose ee Garowe waxay shaqo xooggan ka sameysay xaafadda Hanti wadaag, halka maalintii shalay iyo maalmihii kasii horeeyayba ay degmadu ka shaqeynaysay welina ka shaqo ka wado xaafadda Hodan oo ah xaafadda waddooyinkeedu aad u fariistaan biyaha Roobka.
Xoghayaha dowladda Hoose Mudane Maxamuud Cali Gurey oo ku sugnaa goobta shaqadu ka socotay ayaa sheegay in howlgalkani ujeedka laga leeyahay uu yahay in magaaladda laga nadiifiyo biyaha fariistay.
Dhibaatooyinka ugu badan ee keena in biyuhu fariistaan waddooyinka waxaa kaalin ku leh dadweynaha, kuwaas oo guryahooda ku tuura ciid ama dhegaxaan, taasoo keenaysa in biyuhu fariistaan waddada dhexdeeda.
D/Hoose Garowe iyo wasaaradda deegaanka oo xirmeeyay Dooxin xoolo daaqsimeed ah.
Dowladda hoose ee Garowe iyo wasaaradda deegaanka iyo isbedelka cimilada ee dowladda Puntland ayaa si wadajir ah u shaaciyay in la xirmeeyay dooxooyinka Cada-dheere iyo labo Dulay oo kuyaala degmada Garoowe.
Tallaabadan ayaa looga golleeyahay in ay qayb wayn ka qaadato dib u soo noolaynta daaqa, iyadoo tallaabooyinkan horey looga fuliyay degmada Iskushuban ee gobolka Bari.
Language »