Archives 2021

Maamulka degmada Garowe, kan gobolka Nugaal iyo taliska qeybta booliiska ayaa ganacsatada qeybahooda kala duwan kala shiray sidii loo dardar galin socodsiinta shilin Soomaaliga oo cabaqadiisu taagan tahay.

Masuuliyiinta ayaa ganacsatada ka dhegaysatay caqabadaha jira ee keenay in weli lacagta Soomaaliga socon la’dahay iyo xalka loo baahan yahay, si meesha looga saaro kalsooni darrada weli bulshadu ka qabto lacagtooda.

Gabagabadii waxaa la isku raacay in caqabadu ay tahay dad kooban oo lacagta diidaya, arrintaasoo bulshada sii saamaynaysa, waxaana la isku raacay in dowladdu tallaabo culus ka qaado ganacsidihii diida lacagta.

HALKAAN HOOSE KA DAAWO MUUQAALKA.

Xoghayaha dowladda hoose ee Garowe Maxamuud Calu Guray iyo taliyaha qeybta booliiska gobolka Nugaal ayaa maanta kormeeray suuqa Inji si ay ula socdaan sida lacagta shilin Soomaaligu u kala socoto.

Dowladda hoose ee Garowe oo meel wacan marsiinaysa bannaynta waddooyinka hareeraha laamiga magaalada Garowe. Waxay shaqadu hadda ka socotaa inta u dhaxaysa shirkadda Safa iyo kantaroolkii hore.

HALKAAN HOOSE KA DAAWO.

Duqa magaalada Garowe Axmed Siciid Muuse (Axmed Barre) iyo guddiga dhulka danta guud ee golaha deegaanka Garowe, ayaa maanta kormeeray shaqo ballaaran oo dowladda hoose ay ka wado aagga bari ee magaalada

HALKAAN HOOSE KA DAAWO

Xoghayaha dowladda hoose Garowe Maxamuud Cali Guray iyo xafiiska howlaha guud ee degmada Garowe ayaa weli aagga bari ee magaalada Garowe ka wada howlgallo wado bixin ah iyo furida biyo xireenada.

HALKAAN HOOSE KA DAAWO.

Dowladda hoose ee Garowe, iyadoo fulinaysa go’aamadii kasoo baxay shirkii golaha deegaanka ee bishii december waxay qaaday tallaabooyin lagu burburinayo dhismayaal sharci darro ah oo laga dhistay hareeraha laamiga koonfureed ee magaalada.

Xoghayaha dowladda hoose, Maxamuud Cali Guray ayaa sheegay in la burburiyay dhismayaal laga sameystay baakinada laamiga, arrintaas oo horey loo mamnuucay ciddii dhisatayna aysan mar dambe hanti iska galin.

HALKAAN HOOE KA DAAWO.

Duqa caasimadda Garowe mudane Axmed Siciid Muuse (Axmed Barre) iyo guddoomiyaha gobolka Nugaal, mudane Cawil Axmed Jabuuti, ayaa kulan la qaatay ganacsatada tafaariiqleyda ee suuqa Inji, iyagoo ka dhegaystay cabashadooda ku aadan diidmada lacagta shilin Soomaaliga.

Duqa iyo guddoomiyaha ayaa u sheegay ganacsatada in ay socodsiiyaan lacagta shilin Soomaaliga, iyagoo u caddeeyay in dowladdu bilowday taabo galinta go’aamadii xal u helida lacagta shilin Sooomaaliga.

Masuuliyiinta waxay ballanqaadeen wax kaste oo dhinaca dowladda ka xayiran in maamulka degmada iyo gobolku xal ka gaaridoonaan, balse loo baahan yahay in ganacsatada Garowe hormuud u noqdaan fulinta dhankooda waxa kaga aadan go’aamadii soo baxay.

HALKANA HOOSE KA DAAWO KULANKA.