Guddiga dhulka danta guud ee degmada Garowe ayaa maanta kulan la qaatay dadka iska leh dhulka aagga Naaso-hablood, iyagoo kala hadlay sidii dhulkooda looga jari lahaa dhulka loo asteeyay danta guud.
Dadka dhulka leh ayaa soo dhoweeyay sheegayna inay diyaar u yihiin in dhulkooda ka baxshaan danta guud, sidoo kale guddiga ayaa uga mahad celiyay sida ay usoo ajiibeen una aqbaleen codsiga dowladda hoose.
Duqa caasimadda Puntland ee Garowe, Axmed Barre oo booqasho rasmiya ku jooga dalka jabuuti ayaa la kulmay guddoomiyaha Jabuuti, iyagoo ka wada hadlay sidii labada magaalo loo mataanayn lahaa, isla markaasna khibradaha laysu dhaafsan lahaa.
Dowladda hoose Garowe ayaa bilowday olole lagu bannaynayo toggaga, si looga gaashaanto qataraha haddii ka dhalan kara, iyadoo cashar laga qaadanayo dhibaatadii ka dhacday magaalada Qardho sanadkaan.
Waxay dowladda hoose sheegtay inay butburinayso dhamaan dhismayaasha iyo boosaska laga dhex sameystay togga Laan Cali firin iyo toggaga kale ee ku teedsan magaalada Garowe.
Xoghayaha dowladda hoose Garowe, Maxamuud Cali Gurey ayaa u qabtay illaa sabtida inay ka guuraan dadka dhex dagay togga kana qaataan wixii hanti ah ee u yiila, isagoo sheegay in cagta la marsiindoono.
Xoghayuhu wuxuu tilmaamay in ay masuuliyad ka saaran tahay badbaada shacabkooda ayna ogyihiin halista ku gedaaman inay la mid tahay masiibadii ka dhacay magaalada Qardho
Halkaan hoose ka daawo.
